Bodor SUNDA

¸.•*´*¨*•........ AKI-AKI PIKUN ....... .•*´*¨*•.¸

Kacaritakeun aya hiji aki-aki nu keur ngendong di imah incuna,
Teungah peuting eta si aki teukuateun hayang ka cai (hoyong ngompol caritana mah, maklum da tos beser). Tuluy we manehna teh kaluar ti kamar bari teu lila muka panto kamar mandi (rarasaana mah), .. Ari pek teh basa muka eta panto, lampuna hurung sorangan,

Ceuk si aki : "bener teknologi jaman kiwari mah canggih pisan, kamar mandi oge apal mun rek dipake teh lampuna hurung sorangan, bari rada ngabirigidig siga nu katirisan",

Beres ngompol ku si aki ditutup deui eta pantona teh, lampuna otomatis pareum sorangan.

Ceuk si aki : "Bener-bener hebat jaman ayeuna mah serba canggih, teu kudu cape ngahurungkeun lampu, ceuk si aki bari ngaleos rek neruskeun sare deui.

Isukna ku si aki dicaritakeun ka incuna perihal lampu otomatis eta teh .....

Ceuk incuna : "Gusti ............, geuning si aki nu ngompol dina kulkas teh,
paingan kulkas bau jengkol atuh ??"